ڈیلس، استاد حامد علی کی پرفارمنس پرڈالروں کی بارش
ڈیلس (این این آئی) کلاسیکل گلوکار استاد حامد علی خان نے ڈیلس میں غزل نائٹ کی جادوئی شام میں بھرپور پرفارمنس دے کر حاضرین کو سحر زدہ کر دیا۔
محفل کا آغاز انہوں نے اپنے مخصوص انداز میں راگ درباری سے کیا تو محفل میں موجود ہر شخص جھوم گیا اور سامعین پر سحر سا طاری ہو گیا۔حامد علی خان کی ہر تان، ہر لے اور ہر بندش پر حاضرین نے بھی دل کھول کر داد دی۔استاد نے اپنی مشہور غزلیں لگی رے توسے لگی اور مینو تیرے جیا سوہنا پیش کیں تو انہوں نے سامعین کے دلوں کو چھو لیا ۔ محفل کے دوران موسیقی کے شائقین نے اپنے جذبات کا اظہار کرتے ہوئے استاد حامد علی خان پر ڈالروں کی بارش کر دی۔حاضرین نے کہا کہ وہ اپنے دلوں میں اس شام کی خوبصورت یادیں ہمیشہ کیلئے محفوظ کر کے جا رہے ہیں۔
روزنامہ دنیا ایپ انسٹال کریں
