قائمہ کمیٹی:تارکین وطن کو مخصوص نشستیں دینے کا بل مسترد
اسلام آباد(مانیٹرنگ ڈیسک)قومی اسمبلی کی قائمہ کمیٹی قانون و انصاف نے اوورسیز پاکستانیوں کو مخصوص نشستیں دینے کا بل کثرت رائے سے مسترد کردیا گیا،کمیٹی میں نور عالم خان کا ممبر پارلیمنٹ پر دہری شہریت ترک کرنے کا بل زیر بحث آیا۔
نور عالم خان نے کہا اوورسیز یا دہری شہریت رکھنے والوں کو مخصوص نشست دی جا سکتی ہے ،جے یو آئی (ف) کی عالیہ کامران نے بھی نور عالم کے بل کی مخالفت کی،نور عالم خان کا عدالتوں سے توہین عدالت اختیار لینے کا بل بھی زیر بحث آیا، جس میں کہا گیا کہ توہین عدالت کا ثاقب نثار غلط استعمال کرتے رہے ، پی ٹی آئی چیئرمین بیرسٹر گوہر نے کہا توہین عدالت کا قانون ختم ہونے کے بجائے کوئی بہتر قانون آنا چاہیے ، لطیف کھوسہ نے کہا توہین عدالت قانون آمر کا بنایا ہوا ہے ، منتخب پارلیمنٹ کو اس کا قانون بنانا چاہیے ،جس پر نور عالم خان نے توہین عدالت کا بل واپس لے لیا۔
