محکمہ موسمیات کی آج سے بارشوں کی پیشگوئی
لاہور(این این آئی)محکمہ موسمیات نے آج اتوارسے بارشوں کی پیشگوئی کی ہے ۔
رپورٹ کے مطابق گندم کی کاشت والے علاقوں میں بارش برسے گی۔ڈپٹی ڈائریکٹر محکمہ
موسمیات عرفان ورک کا کہنا ہے کہ مختلف علاقوں میں بارشوں کا سلسلہ سردی کی نئی لہر لائے گا، بارشیں برسانے والا سلسلہ پاکستان کے شمال مشرقی علاقوں میں داخل ہوگا جہاں بارش ہوگی۔محکمہ موسمیات کے مطابق موسمیاتی تبدیلیوں سے سرما کی بارشوں کا پرانا پیٹرن بھی متاثر ہوا ہے ،جہاں زیادہ بارشیں ہوا کرتی تھیں وہاں پر کم ہوگئی ہیں، تبدیلی آرہی ہے ۔
روزنامہ دنیا ایپ انسٹال کریں
