ملتان کی خاتون پائلٹ امارات میں طیارہ گرنے سے جاں بحق
ملتان(خصوصی رپورٹر)ملتان کی پائلٹ خاتون طیارہ گرنے سے جاں بحق ہوگئیں ۔متحدہ عرب امارات کی ریاست راس الخیمہ میں چھوٹا طیارہ حادثے کا شکار ہوگیا۔۔۔
اماراتی ایوی ایشن حکام کے مطابق حادثے میں خاتون پائلٹ اور مسافر سمیت 2 افراد جاں بحق ہوگئے ، پرائیویٹ سیاحتی ایوی ایشن کا طیارہ سمندر میں گر کر تباہ ہوا، طیارے کو سیاحتی مقصد کیلئے استعمال میں لایا جاتا تھا ، چھوٹے طیارے کی پائلٹ کا تعلق ملتان سے تھا جن کا نام فریانزا پروین تھا، جبکہ انکے ساتھ مسافر بھارتی ڈاکٹر سلیمان طیارے میں موجود تھے ، پاکستانی قونصل خانے نے بھی طیارہ حادثے میں پاکستانی خاتون پائلٹ کے جاں بحق ہونے کی تصدیق کردی،خاتون کی میت آج رات پاکستان روانہ کردی جائے گی جبکہ دوپہر کو ملتان پہنچے گی۔
روزنامہ دنیا ایپ انسٹال کریں
