وفاقی کابینہ میں 3 وزرا کا مزید اضافہ حلف اٹھا لیا ،قلمدان بھی مل گئے
اسلام آباد(مانیٹرنگ ڈیسک)وفاقی کابینہ میں حال ہی میں توسیع کے بعد مزید 3 وزرا نے حلف اٹھا لیا، قائم مقام صدر یوسف رضا گیلانی نے ایوان صدر میں تقریب کے دوران سید عمران احمد شاہ، شذرا منصب علی اور ارمغان سبحانی سے حلف لیا ۔
سید عمران احمد شاہ کو وفاقی وزیر برائے وزارت تخفیف غربت و سماجی تحفظ، ارمغان سبحانی کو وزیر مملکت برائے وزارت منصوبہ بندی اور ترقی جبکہ شذرا منصب کو وزیر مملکت برائے وزارت ماحولیاتی تبدیلی کا قلم دان دے دیا گیا ۔تینوں وزرا کے نوٹیفکیشن جاری کردئیے گئے ،اب وفاقی کابینہ کے ارکان کی تعداد 54 ہوگئی ہے ۔
روزنامہ دنیا ایپ انسٹال کریں
