اسلامو فوبیا کیخلاف موثر اقدامات پرعملدرآمد کی ضرورت: دفتر خارجہ
اسلام آباد (اے پی پی) پاکستان نے عالمی برادری پر زور دیا ہے کہ اسلامو فوبیا کی بڑھتی ہوئی لہر سے نمٹنے کے لیے ٹھوس اور موثر اقدامات پر عمل درآمد کیا جائے ۔
اسلامو فوبیا سے نمٹنے کے عالمی دن کے موقع پر ترجمان کی جانب سے جاری بیان میں کہا گیا ہے کہ اسلامو فو بیا کے خلاف بیان بازی، نفرت انگیز تقاریر اور مسلم کمیونٹیز، مساجد اور مقدس مقامات پر حملے کے واقعات بنیادی انسانی حقوق اور مذہبی آزادی کے اصولوں کی سنگین خلاف ورزی ہیں۔اسلامو فوبیا کے خلاف عالمی جنگ میں ایک سرکردہ آواز کے طور پر، پاکستان تمام مذاہب اور ثقافتوں کے درمیان رواداری، ہم آہنگی اور باہمی احترام کو فروغ دینے کے لیے بین الاقوامی برادری کے ساتھ مل کر کام جاری رکھنے کا منتظر ہے ۔
روزنامہ دنیا ایپ انسٹال کریں
