بدین:2گروپوں میں تصادم، 6 جاں بحق، 7زخمی
بدین / کراچی (این این آئی) ضلع کیریو گھنور بدین میں 2 گروپوں کے درمیان تصادم میں 6 افراد جاں بحق ،7 زخمی ہوگئے۔
میڈیا رپورٹ کے مطابق وزیراعلیٰ سندھ سید مراد علی شاہ نے بدین میں دو گروپوں کے درمیان فائرنگ کے نتیجے میں ہلاکتوں کا نوٹس لیتے ہوئے آئی جی پولیس سے تفصیلی رپورٹ طلب کرتے ہوئے کہا کہ اس قسم کے واقعات کی روک تھام کے لئے سخت قانونی کارروائی ، شہریوں کی جان، مال اور عزت آبرو کی حفاظت یقینی بنائی جائے ۔وزیراعلیٰ سندھ نے کہا کہ دہشت پھیلانے والے عناصر کو فوری گرفتار کیا جائے ، مجھے افسوس ہے برکتوں بھرے مہینے میں بھی لوگ ایک دوسرے کا خون بہانے سے گریز نہیں کرتے ۔ وزیر داخلہ سندھ ضیا الحسن لنجار نے بھی ایس ایس پی بدین سے تفصیلات طلب کرلیں۔ وزیر داخلہ نے کہا کہ فی الفور پولیس ٹیموں کو حرکت میں لایا جائے ، قانون شکن اور معصوم شہریوں کے قتل میں ملوث ملزموں کو گرفتار کیا جائے ، خوف اور دہشت پھیلانے والے عناصر کے خلاف آہنی اقدامات کئے جائیں۔انہوں نے کہا کہ علاقے میں امن اور قانون کی رٹ کے قیام کے لئے علاقہ معززین اور معروف شخصیات کے کردار کو یقینی بنایا جائے ۔
