پی آئی اے کی نجکاری، حکومت کا 24اپریل کو ایک بار پھر درخواستیں طلب کرنے کا فیصلہ
اسلام آباد(این این آئی)حکومت نے پی آئی اے کی نجکاری کیلئے ایک بار پھر اظہار دلچسپی کی درخواستیں 24اپریل کو طلب کرنے کا فیصلہ کیا ہے اور ملکی و غیر ملکی سرمایہ کاروں کو کم از کم ایک ماہ کی مہلت دی جائے گی۔
نجکاری کمیشن نے بتایا کہ اس عمل میں صرف سنجیدہ سرمایہ کاروں کو شامل کرنے کیلئے پری کوالیفکیشن کے معیار سخت کر دئیے گئے ہیں۔جاری بیان میں کہا گیا کہ نجکاری کیلئے پی آئی اے کے 51فیصد سے 10فیصد تک شیئرز فروخت کئے جائیں گے ، نجکاری عمل میں ملازمین کا تحفظ اور سروس سٹرکچر برقرار رکھا جائے گا۔اس ضمن میں کہا گیا کہ پی آئی اے کے اثاثوں اور مالی حیثیت کا جائزہ جولائی تک مکمل کرلیا جائے گا، درخواستوں کی جانچ پڑتال ستمبر 2025 تک اور نجکاری کا عمل دسمبر 2025 تک مکمل کرنے کی منصوبہ بندی کی گئی ہے ۔
روزنامہ دنیا ایپ انسٹال کریں
