سٹیٹ بینک مالیاتی پالیسی کا اعلان آج کریگا شرح سود 11 فیصد پر برقرار رکھنے کا امکان
کراچی(آئی این پی)سٹیٹ بینک آف پاکستان نئی مالیاتی پالیسی کا اعلان آج (پیر کو) کرے گا۔ شرح سود 11 فیصد تک برقرار رکھنے کی توقع ہے۔ دسمبر تک مہنگائی میں اضافے کی اوسط شرح 8 فیصد تک پہنچنے کا خدشہ ہے۔
مرکزی بینک کی زری پالیسی کمیٹی کا اجلاس گورنر اسٹیٹ بینک جمیل احمد کی زیر صدارت ہوگا، جس میں ملکی اور غیرملکی اقتصادی صورتحال کا جائزہ لینے کے بعد پالیسی ریٹ کا اعلان ہوگا۔ تجزیہ کاروں کا کہنا ہے افراط زر کی شرح مئی میں ساڑھے 3 فیصد تک پہنچ گئی، جبکہ دسمبر تک مہنگائی میں اضافے کی اوسط شرح 8 فیصد تک پہنچنے کا خدشہ ہے۔اس صورتحال میں شرح سود 11 فیصد پر برقرار رہنے کی توقع ہے ۔ گزشتہ سال جون سے اب تک پالیسی ریٹ میں 11 فیصد کمی کی جا چکی ہے۔
روزنامہ دنیا ایپ انسٹال کریں
