اطالوی جہاز کی کراچی آمد،پاک بحریہ ، سفیر اٹلی کا پرتپاک استقبال
کراچی (مانیٹرنگ ڈیسک)اطالوی بحری جہاز آئی ٹی ایس انتونیو مارچیلیا کے کراچی کی بندرگاہ پہنچنے پر پاک بحریہ کے آفیشلز اور اطالوی سفیر نے جہاز کا پرتپاک استقبال کیا۔
اطالوی بحریہ کاجہاز تین روزہ خیر سگالی دورے پرکراچی پہنچا ہے ۔ دورے کا مقصد دو طرفہ بحری تعاون کا فروغ اور مشترکہ آپریشنز کی صلاحیتوں میں اضافہ ہے ۔دورے کے دوران دونوں بحری افواج کے اہلکاروں کے مابین پیشہ ورانہ ملاقاتیں اور مشترکہ مشقیں منعقد کی جائیں گی ۔اطالوی بحریہ کے جہازوں کی باقاعدگی سے پاکستان آمد بالعموم پاک اطالوی دو طرفہ تعلقات اور بالخصوص دونوں ممالک کے بڑھتے ہوئے بحری تعاون کا مظہر ہیں ۔پاکستان نیوی اہم بین الاقوامی نیویز سے دیر پا بحری تعاون کے فروغ کے لئے کوشاں ہے ۔
روزنامہ دنیا ایپ انسٹال کریں
