پٹرول پمپس کو یومیہ فروخت سے زائد سپلائی دینے پر پابندی
اسلام آباد (نیوز ایجنسیاں) تیل کمپنیوں نے پٹرول پمپس کو یومیہ فروخت سے زائد پٹرول دینے پر پابندی لگا دی۔
رپورٹ کے مطابق تیل کمپنیوں نے پٹرول پمپس پر ذخیرہ اندوزی کی حوصلہ شکنی کے اقدامات کر لیے اور انہیں یومیہ فروخت سے زائد پٹرول دینے پر پابندی لگادی ہے ۔رہنما پٹرول ڈیلرز ایسوسی ایشن شعیب خان کے مطابق شہر میں پٹرول پمپس کو طلب سے کم تیل سپلائی ہورہا ہے ، تیل کمپنیاں یکم سے پندرہ جون کی یومیہ سیل سے زائد تیل نہیں دے رہیں۔رہنما پٹرولیم ڈیلرز ایسوسی ایشن سمیر حسین کے مطابق پٹرول پمپس جو سپلائی مانگ رہے ہیں اس سے پچاس فیصد تک کم تیل مل رہا جس کی وجہ سے کم تیل سٹاک والے کئی پمپس پر قلت ہے تاہم بیشتر پمپس پر سپلائی معمول پر ہے ۔ذرائع پی ایس او کے مطابق سات کروڑ لٹر تیل لے کر ٹینکرآج فجیرہ سے کراچی روانہ ہوگا۔
روزنامہ دنیا ایپ انسٹال کریں
