شوگر ایڈوائزری بورڈ: 5لاکھ ٹن چینی درآمد کرنیکی منظوری
اسلام آباد(مانیٹرنگ ڈیسک)چینی کی فراہمی اور قیمتوں پر قابو کیلئے شوگر ایڈوائزری بورڈ نے 5 لاکھ ٹن چینی درآمد کرنے کی منظوری دے دی۔
وفاقی وزیر برائے غذائی تحفظ و تحقیق رانا تنویر حسین کی زیر صدارت شوگر ایڈوائزری بورڈ کا اہم اجلاس ہوا جس میں چینی درآمد کرنے کی منظوری دی گئی جبکہ چند روز میں درآمدی چینی سے متعلق رسمی کارروائیاں مکمل کرلی جائیں گی۔اس موقع پر بات کرتے ہوئے رانا تنویر کا کہنا تھا چینی کی قیمتوں میں استحکام کے لیے درآمد کا فیصلہ ناگزیر ہو گیا، ملک بھر میں چینی کی سپلائی میں کمی کا سامنا ہے ۔انہوں نے کہا چینی کی قلت پر قابو پانے کے لیے فوری اقدامات جاری ہیں، درآمدی چینی کو جلد مارکیٹ میں لایا جائے گا تاکہ صارفین کو ریلیف مل سکے۔
روزنامہ دنیا ایپ انسٹال کریں
