لاثانی ایکسپریس بدوملہی سٹیشن پر پٹڑی سے اتر گئی
نارووال(این این آئی)لاہور سے بذریعہ نارووال سیالکوٹ جانے والی125 اپ لاثانی ایکسپریس مسافر ٹرین بدوملہی سٹیشن پر پٹڑی سے اتر گئی۔
ٹرین کی رفتار انتہائی کم ہونے کی وجہ سے تمام مسافر محفوظ رہے ۔ ٹرین میں بوگیوں کی کمی کے باعث شدید رش تھا مسافر ٹرین کے انجن اور بوگیوں کی چھتوں پر سوار تھے اور ٹرین میں پاؤں رکھنے کی جگہ نہیں تھی، ٹرین جونہی بدوملہی سے نارووال کے لیے آہستہ آہستہ روانہ ہوئی تو چند لمحوں بعد ہی اس کی ایک بوگی زوردار دھماکے سے پٹری سے اتر گئی جس سے مسافروں میں خوف وہراس پھیل گیا، ٹرین پٹڑی سے اترنے پر نارووال لاہور سیکشن پر ٹرینوں کی آمدورفت تاخیر کا شکار ہو گئی
روزنامہ دنیا ایپ انسٹال کریں
