آڈٹ رپورٹ بزدار اور پرویز الٰہی دورکی ہے :عظمیٰ بخاری
لاہور(آئی این پی)وزیراطلا عات پنجاب عظمیٰ بخاری نے کہا ہے کہ چار سال پنجاب میں کرپشن، نااہلی اور لوٹ مار کا سیاہ ترین دور تھا،جس آڈٹ رپورٹ کا آپ لوگ ڈھنڈورا پیٹ رہے وہ رپورٹ بزدار اور پرویز الٰہی دورکی ہے۔
مشیر اطلاعات خیبر پختونخوا بیرسٹر سیف کے بیان پر ردعمل دیتے ہوئے انہوں نے کہا کہ مسٹر جعلی دانشور آڈٹ رپورٹ غور سے پڑھیں اس میں پی ٹی آئی قیادت کا کچا چٹھا ہے، آڈٹ رپورٹ کا صفحہ نمبر 87اور 96پڑھ لیں شاید آپ کو تھوڑی سی شرم آجائے، جس 10کھرب کا آپ واویلا کررہے ہیں وہ 2018سے 2023کی گندم خریداری اور سبسڈی کا ہے ، 2018سے 2023تک پنجاب میں کس کی حکومت تھی پوری قوم جانتی ہے، 12سال سے جو لوٹ مار خیبرپختونخوا میں ہو رہی ہے چار سال پنجاب میں وہی لوٹ مار ہوئی، شریف فیملی کے بغض میں آپ کا لیڈر وزیراعظم ہاؤس سے ڈائری اٹھا کر اڈیالہ پہنچ گیا، علی امین اور بیرسٹر سیف کے کارناموں کا انجام بھی ‘‘نیکسٹ سٹاپ اڈیالہ’’ہی نظر آرہا ہے۔
