آن لائن سرمایہ کاری کرنے کا جھانسہ دے کر شہریوں کو لوٹنے والے دو گینگ گرفتار
لاہور (اپنے کامرس رپورٹر سے ) نیشنل سائبر کرائم انویسٹی گیشن ایجنسی گوجرانوالہ کی آن لائن فراڈ کرنے والوں کے خلاف کارروائی آن لائن سرمایہ کاری کرنے کا جھانسہ دے کر سادہ لوح شہریوں کو لوٹنے والے دو گینگ گرفتار کر لئے ۔
نیشنل سائبر کرائم انویسٹی گیشن ایجنسی گوجرانوالہ سرکل نے لاہور سے غیر ملکیوں سمیت 17 ملزموں کو گرفتار کرلیا،گوجرانوالہ سرکل نے دو مقدمات درج کرکے تفتیش کا آغاز کردیا ۔ملزمان ڈی ایچ اے لاہور سے گرفتار کئے گئے ، مقدمہ کے متن کے مطابق ملزم سادہ لوح شہریوں کو آن لائن بزنس کرنے کا جھانسہ دیتے تھے ،گرفتار ملزموں میں 3 غیر ملکی اور 14 لوکل باشندے شامل ہیں،غیر ملکی باشندوں نے جھانسہ دے کر مدعی مقدمہ سے 91 لاکھ 91 ہزار روپے بٹورے دوسرے مقدمہ میں سائل سے 73 لاکھ 20 ہزار روپے بٹورے گئے ۔
روزنامہ دنیا ایپ انسٹال کریں
