پنجاب اسمبلی توڑ پھوڑ:اپوزیشن ارکان سے جرمانوں کی وصولی کیلئے تیسرا نوٹیفکیشن جاری
لاہور(مانیٹرنگ ڈیسک )پنجاب اسمبلی اجلاس میں توڑ پھوڑ کرنیوالے اپوزیشن ارکان کو جرمانوں کی معافی نہ مل سکی، اپوزیشن کے 10 ارکان سے جرمانے کی وصولی کے لیے تیسرا نوٹیفکیشن جاری کر دیا گیا ۔
پنجاب اسمبلی سیکرٹریٹ نے اپوزیشن کو جرمانوں کی عدم ادائیگی پر سخت کارروائی کا عندیہ دے دیا۔نوٹیفکیشن کے مطابق اپوزیشن کو 2 لاکھ 3 ہزار 550 روپے فی کس فوری جمع کرانے کی ہدایت کی گئی ہے ، تیسری یاد دہانی کے باوجود اپوزیشن ارکان نے جرمانہ جمع نہیں کرایا جبکہ پنجاب اسمبلی کے کیشیئر کو فوری ادائیگی کی ہدایت کی گئی ہے ۔نوٹیفکیشن میں 28 جون اور بعد کے تمام خطوط کی کاپیاں منسلک کی گئی ہیں، اپوزیشن کے دس ارکان کو جرمانہ جمع کرانے کا پابند قرار دیا گیا ہے جبکہ مزید تاخیر پر اپوزیشن اراکین کی تنخواہوں سے جرمانے وصول کیے جائیں گے ۔
روزنامہ دنیا ایپ انسٹال کریں
