طیارے سے پرندہ ٹکراگیا،اسلام آباد کراچی کی 2پروازیں منسوخ
اسلام آباد (مانیٹرنگ ڈیسک )اسلام آباد سے کراچی جانے والی نجی ایئرلائن کی پرواز حادثے سے بال بال بچ گئی، دوران روانگی طیارے سے پرندہ ٹکرا گیا جس کے باعث طیارہ گراؤنڈ کردیا گیا۔
واقعہ کے بعد کراچی اسلام آباد کی 2 پروازیں پی اے 207 اور208 منسوخ کر دی گئیں۔ایئر لائن انتظامیہ کے مطابق اسلام آباد ایئرپورٹ سے کراچی روانگی کے دوران طیارے سے پرندہ ٹکرایا، پائلٹ نے روانگی روک کر طیارے کو ٹیکسی وے پر موڑ دیا، پرندہ ٹکرانے سے ایئر بس اے 320 طیارے کے انجن کو نقصان پہنچا۔ایئرلائن انتظامیہ کا کہنا ہے کہ طیارے کی انسپکشن اورکلیئرنس میں 8 گھنٹے سے زائد وقت درکار ہے ،اچانک روانگی روکے جانے سے طیارے کے مسافر پریشان ہوگئے جس کی ویڈیو سوشل میڈیا پر وائرل ہوگئی ۔
روزنامہ دنیا ایپ انسٹال کریں
