پشاور:کروڑوں کا سونا سمگل کرنے کی کوشش ،پی آئی اے کے 2 اہلکار گرفتار
پشاور(این این آئی)ایف آئی اے اور اے ایس ایف نے کارروائی کرکے کروڑوں روپے مالیت کے سونے کی بیرون ملک سمگل کرنے کی کوشش ناکام بنا دی۔
ایف آئی اے ترجمان نے بتایا کہ پی آئی اے کے باچا خان انٹرنیشنل ایئرپورٹ پشاور پر تعینات دو اہلکاروں ناصر خان اور شاہد اللہ کو گرفتار کرلیا گیا ۔ ملزموں کے قبضے سے 7740 گرام سونا برآمد کیا گیا۔ترجمان کے مطابق دیگر ملزموں کی گرفتاری کے لیے کارروائی جاری ہے۔
روزنامہ دنیا ایپ انسٹال کریں
