گالم گلوچ کرنے والے اپنے انجام کو پہنچ چکے :مریم اورنگزیب
اسلام آباد(مانیٹرنگ ڈیسک)سینئر صوبائی وزیر پنجاب مریم اورنگزیب نے کہا کہ شہباز شریف کے دور حکومت میں عالمی سطح پر پاکستان کا وقار بلند ہوا۔
وزیراعظم کا جہاز جس ملک میں داخل ہوتا ہے سلامی دی جاتی ہے ۔کوٹلی ستیاں میں جلسے سے خطاب کرتے ہوئے مریم اورنگزیب نے کہا کہ دنیا آج پاکستان کی طرف دیکھ رہی ہے ، پی ٹی آئی والوں نے اپنے دور حکومت میں لوگوں کی عزتیں اچھالنے کے سوا عوامی فلاح کا کوئی کام نہیں کیا، عوام کے ساتھ جھوٹ اور فراڈ کیا،گالم گلوچ کرنے والے آج اپنے انجام کو پہنچ چکے ہیں،مریم اورنگزیب کا کہنا تھا کہ وزیراعلیٰ مریم نواز نے ستھرا پنجاب پروگرام کا آغاز کیا، آج پنجاب کے گلی محلے صاف ستھرے دکھائی دے رہے ہیں، پورے پنجاب میں بچوں کو لیپ ٹاپ مل رہے ہیں، پنجاب میں مزید 10 ہزار سڑکیں بنائی جائیں گی ۔
روزنامہ دنیا ایپ انسٹال کریں
