کراچی:وزٹ ویزے پر ملازمت کیلئے جانے والے 8 مسافرروک لئے گئے
کراچی(مانیٹرنگ ڈیسک) ایف آئی اے امیگریشن نے کراچی ائرپورٹ پر بڑی کارروائی کے دوران وزٹ ویزے کی آڑ میں بیرون ملک ملازمت کے لئے جانے والے 8مسافروں کو روک لیا۔مسافروں نے جعلی دستاویزات کی بنیاد پر ملائیشیا کا وزٹ ویزا حاصل کیا۔
مسافروں میں پوجا امیت، راج کچن، عتیق خان، محمد سعد، عزیر عزیز، کرامت اللہ، عامر خان اور ذیشان خان شامل ہیں۔مسافروں کی قیادت پوجا امیت کر رہی تھی۔ مسافر فلائٹ نمبر D7-109 کے ذریعے پاکستانی پاسپورٹس اور وزٹ ویزوں پر ملائیشیا جا رہے تھے ۔مسافروں نے ویزا حصول کے لئے بلیسنگ انسٹیٹیوٹ، کلفٹن کراچی کے نام پر جعلی سفری دستاویزات جمع کروائیں۔
روزنامہ دنیا ایپ انسٹال کریں
