سویا بین آئل کی درآمدات میں 47.17فیصد کی کمی
اسلام آباد(اے پی پی)سویا بین آئل کی درآمدات میں47.17 فیصد کی کمی ریکارڈ کی گئی ۔
ادارہ شماریات کے مطابق رواں مالی سال جولائی تا فروری درآمدات کی مالیت 106.372ملین ڈالر تک کم ہو گئی جبکہ گزشتہ مالی سال میں جولائی تا فروری 25-2024 کے عرصہ میں سویا بین آئل کی درآمدات کا حجم 201.352 ملین ڈالر رہا تھا ۔ اس طرح پہلے 8 مہینوں کے دوران سویا بین آئل کی درآمدات میں 94.98 ملین ڈالر یعنی 47 فیصد سے زیادہ کی نمایاں کمی ریکارڈ کی گئی ۔
روزنامہ دنیا ایپ انسٹال کریں
