رمیز راجہ نے بابر اعظم کی بیٹنگ کی خامی کا حل بتا دیا
لاہور(اسپورٹس ڈیسک)سابق کرکٹر رمیز راجہ نے ورلڈ کپ کے دوران کپتان بابر اعظم کی بیٹنگ میں پائی جانے والی خامی کا حل بتا دیا۔راجہ کا خیال ہے کہ اعظم اسپن کھیلنے کے لیے جدوجہد کر رہے ہیں ۔۔
لیکن سویپ شاٹ کھیلنے سے انھیں اس مسئلے سے نمٹنے میں مدد مل سکتی ہے ۔بھارتی اسپورٹس چینل سے گفتگو میں رمیز راجہ نے کہا کہ اگر آپ ان کی بیٹنگ میں خرابی تلاش کرنا چاہتے ہیں تو وہ سپن کے خلاف بیٹنگ ہے جب وہ اننگز کا آغاز کرتے ہیں تو اس میں اتنی روانی نہیں ہوتی جتنی کہ فاسٹ بالرز کے خلاف ہوتی ہے ۔انہوں نے کہا کہ مجھے نہیں معلوم کہ یہ ان کا فٹ ورک ہے یا پھر ان کی سوچ ہے یا ان کے پاس بہت زیادہ آپشنز نہیں ہیں کیونکہ وہ سویپ شاٹ نہیں کھیلتے حالانہ کہ سلو پچز پر آپ کو سویپ شاٹ کھیلنے کی ضرورت ہے ۔ان کا کہنا تھا کہ جب بھی وہ سپن کے خلاف جارحانہ انداز اپناتے ہیں تو آؤٹ ہو جاتے ہیں، جب وہ سپن کے خلاف اپنی اننگز شروع کرتے ہیں تو تھوڑا سا پریشان نظر آتے ہیں۔
