نسیم شاہ نے ردھم کے ساتھ بالنگ کرنا شروع کردی
لاہور(اسپورٹس ڈیسک)نوجوان فاسٹ بالر نسیم شاہ نے پورے ردھم کے ساتھ بالنگ کرنا شروع کردی، نسیم شاہ ان دنوں نیشنل کرکٹ اکیڈمی میں ٹریننگ میں مصروف ہیں۔ فاسٹ بالر نے این سی اے میں فزیکل ایکسرسائزز کا بھی آغاز کردیا ہے ۔
وہ پی ایس ایل سے قبل مکمل فٹنس حاصل کرنا چاہتے ہیں۔این سی اے میں قومی کرکٹرز کا ری ہیب پروگرام جاری ہے ۔ آل راؤنڈر شاداب خان، فاسٹ بالر احسان اللہ ، ارشد اقبال، صفیان مقیم اور ذیشان ضمیر کی فٹنس پر کام جاری ہے ۔پاکستان کرکٹ بورڈ نے کھلاڑیوں کے ری ہیب پروگرام کی ویڈیو سوشل میڈیا پر جاری کردی ہے ۔پی سی بی کے مطابق انجری کے شکار تمام کھلاڑیوں کا ری ہیب این سی اے میں جاری ہے ، بورڈ کا میڈیکل پینل اس کی نگرانی کر رہا ہے ۔فاسٹ بالر احسان اللہ نے بتایا کہ ری ہیب پہلے سے زیادہ اچھا ہو رہا ہے ، آپریشن کے بعد جو درد ہوتا تھا وہ اب نہیں ہے ۔انہوں نے مزید کہا کہ بالنگ کا آغاز کر دیا، درد محسوس نہیں ہو رہا، کوشش ہے کہ جلد سے جلد کم بیک کروں۔ذیشان ضمیر کا کہنا ہے کہ میری انجری اب پہلے سے زیادہ بہتر ہے ، ری ہیب میں جن چیزوں کی ضرورت ہے وہ پوری مل رہی ہے ۔ارشد اقبال نے کہا کہ ابھی تک ری ہیب اچھا چل رہا ہے ۔
