بابر اعظم، شاہین اور سینئرز کو آرام کرایا جائے ، عثمان شنواری
لاہور(اسپورٹس ڈیسک )قومی فاسٹ بولر عثمان شنواری نے کہا ہے کہ بابر اعظم، شاہین آفریدی اور دیگر سینئر کھلاڑیوں کو آرام کرایا جائے ۔
ٹی ٹونٹی ورلڈ کپ میں قومی ٹیم کی ناقص پرفارمنس پر بات چیت کرتے ہوئے انہوں نے کہا کہ اب وقت آگیا ہے کہ کپتان بابر اعظم، شاہین آفریدی اور سینئرز کو آرام کرایا جائے ۔ پاکستان کرکٹ ٹیم کے سینئر کھلاڑی بنگلادیش اور آئرلینڈ کے خلاف بھی باہر نہیں بیٹھ رہے ، پاکستان کرکٹ میں نئے اور نوجوان کھلاڑیوں کو موقع ملنا چاہیے لیکن یہ اسی وقت ممکن ہوگا جب سینئرز جونیئرز کیلئے راستہ فراہم کرینگے ، ڈومیسٹک کرکٹرز ملک چھوڑ کر جانے پر مجبور ہیں، پی ایس ایل کی کارکردگی پر سلیکشن بند ہونی چاہیے ، پاکستان کرکٹ صرف 15 کھلاڑیوں تک محدود ہوگئی ہے ، ان کی کرکٹ ابھی باقی ہے البتہ ان کو نہیں معلوم کے وہ ٹیم سے کیوں باہر ہیں۔بائیں ہاتھ کے ٹیسٹ فاسٹ بولر عثمان خان شنواری ان دنوں امریکی ریاست ہیوسٹن میں کلب کرکٹ کھیل رہے ہیں۔ 30 سال کے عثمان شنواری نے پاکستان کے لیے ایک ٹیسٹ میچ، 16 ون ڈے اور 17 ٹی ٹونٹی کھیلے ہیں۔
