انڈر 19 ویمنز ٹی ٹونٹی کانکررز اور اسٹرائیکرز کی کامیابی
لاہور (سپورٹس ڈیسک )انڈر19 ویمنز ٹی ٹوئنٹی کرکٹ ٹورنامنٹ میں بدھ کے روز کھیلے گئے میچوں میں کانکررز اور سٹرائیکرز نے کامیابی حاصل کرلی۔
ایل سی سی اے گراؤنڈ لاہور میں کھیلے گئے پہلے میچ میں کانکررز نے چیلنجرز کو 9 وکٹوں سے ہرادیا۔چیلنجرز کی ٹیم 15 اوورز میں صرف 34 رنز بناکر آؤٹ ہوگئی۔ کوئی بھی کھلاڑی ڈبل فگرز میں نہ آسکی۔ صبیحہ نور نے 8 رنز بنائے ۔ لائبہ ناصر نے صرف پانچ رنز دے کر پانچ وکٹیں حاصل کیں۔کانکررز نے ایک وکٹ کے نقصان پر ہدف حاصل کرلیا۔ لائبہ ناصر پلیئر آف دی میچ قرار پائیں۔دوسرے میچ میں سٹرائیکرز نے اسٹارز کو 6 وکٹوں سے ہرادیا۔سٹارز نے پہلے بیٹنگ کرتے ہوئے 8 وکٹوں پر 67 رنز بنائے ۔ سٹرائیکرز نے مطلوبہ سکور 4 وکٹوں پر پورا کرلیا۔ زوفیشاں ایاز 24 رنز بناکر ناٹ آؤٹ رہیں اور پلیئر آف دی میچ قرار پائیں۔
روزنامہ دنیا ایپ انسٹال کریں
