بابراعظم کا بیٹ میلبرن کرکٹ گراؤنڈ کی زینت بنے گا
میلبرن(سپورٹس ڈیسک )قومی ٹیم کے سابق کپتان بابراعظم کا بیٹ میلبرن کرکٹ گراؤنڈ کے لانگ میں روم رکھا جائے گا۔میلبرن کرکٹ گراؤنڈ (ایم سی جی) حکام نے سابق کپتان بابراعظم سے اپنا بیٹ عطیہ کرنے کی گزارش کی ۔۔
جس کے بعد بابر نے سال 2022 ٹی20 ورلڈکپ فائنل میں استعمال ہونیوالا بیٹ عطیہ کردیا ۔حکام کے مطابق پاکستان کے سابق کپتان بابراعظم کا بیٹ میلبرن کرکٹ گراونڈ کے لانگ روم میں رکھا جائے گا۔اس سے قبل ایم سی جی لانگ روم میں ڈان بریڈ مین، ڈیوڈ بون، جیک ہوبز اور برائن لارا کے بیٹ بھی نمائش کیلئے موجود ہیں۔ اس حوالے سے بابراعظم نے کہا کہ میرے لیے یہاں کے لانگ روم میں بیٹ رکھنا اعزاز کی بات ہے ، ایم سی جی سے میری کافی یادیں وابستہ ہیں، یہ بہترین گراؤنڈز میں سے ایک ہے جبکہ دنیا کے عظیم بیٹرز کے بیٹس کے ساتھ میرا بیٹ رکھا جارہا ہے ۔
روزنامہ دنیا ایپ انسٹال کریں
