سعودی عرب کی پاکستان سے ویمن فٹبال میچ کھیلنے کی پیشکش
ریاض (سپورٹس ڈیسک )سعودی عرب فٹبال فیڈریشن نے پاکستان ویمن فٹبال ٹیم کو فرینڈلی میچ کے لیے دعوت دے دی۔
سعودی عرب نے اس ماہ فیفا ونڈو میں خواتین فرینڈلی میچ کے لیے پی ایف ایف سے رابطہ کیا اورقطر میں پاکستان سے ویمن فٹبال میچ کھیلنے کی پیشکش کی ۔خواتین کی فیفا فرینڈلی ونڈو 25 نومبر سے 7 دسمبر کے درمیان ہے ۔اس حوالے سے پاکستان فٹ بال فیڈریشن نے سعودی عرب سے میچ کھیلنے پر دلچسپی کا اظہار کیا ہے ۔میچ کے لیے پاکستان ٹیم کے تمام اخراجات بھی سعودی فٹبال فیڈریشن برداشت کریگی ، میچ کے لیے دونوں ٹیموں کا تربیتی کیمپ بھی قطر میں ہی لگایا جائے گا۔
روزنامہ دنیا ایپ انسٹال کریں
