آصف کا ورلڈ ماسٹرز ایونٹ میں شاندار آغاز، ناک آؤٹ مرحلے میں پہنچ گئے
لاہور(سپورٹس ڈیسک)ورلڈ سنوکر چیمپئن شپ جیتنے کے بعد ماسٹرز ایونٹ میں محمد آصف نے شاندار آغاز کیا ہے ۔محمد آصف نے ماسٹرز میں گروپ کے ابتدائی تینوں میچ جیت لئے ۔
محمد آصف نے پہلے میچ میں افغانستان کے احمد رسولی کو 3-0 سے ہرایا اور افغان پلیئر کے خلاف محمد آصف نے 139 کا بریک بھی کھیلا۔ دوسرے میچ میں آصف نے بھارت کے رجت کھنیجا کو شکست دی اور بھارتی کھلاڑی کے خلاف بھی آصف نے سنچری بریک کھیل کر 3-0 کی فتح سمیٹی۔گروپ کے تیسرے میچ میں آصف نے آسٹریلیا کے اسٹیو ہینا کو شکست دی اور آخری گروپ میچ بھی بغیر کوئی فریم ڈراپ کے جیت لیا۔گروپ کے تینوں میچز جیت کر محمد آصف ورلڈ ماسٹرز کے ناک آؤٹ راؤنڈ میں پہنچ گئے ۔
روزنامہ دنیا ایپ انسٹال کریں
