ٹی 20بلائنڈ ورلڈکپ ،پاکستان اور بنگلہ دیش فائنل میں داخل
ملتان (خصوصی رپورٹر)پاکستان اور بنگلہ دیش ٹی20 بلائنڈ کرکٹ ورلڈ کپ کے فائنل میں پہنچ گئے ۔پہلے سیمی فائنل میں پاکستان نے نیپال کو شکست سے دوچار کیا،پاکستان نے نیپال کا94رنز کاہدف بغیر کسی نقصان کے حاصل کیا۔۔۔
کامران اختر نے 21 گیندوں پر 63 رنز بنائے ،انکی کی اننگزمیں ایک چھکا اور 12 چوکے شامل تھے ۔ دوسرے سیمی فائنل میں بنگلہ دیش نے سری لنکا کو سنسنی خیز مقابلے کے بعد ہرادیا،بنگلہ دیش نے مقررہ 20 اوورزمیں 6 وکٹوں کے نقصان پر 244 رنز بنائے ،محمد سلمان نے 97 ، عارف حسین نے 81رنز کی اننگز کھیلی۔جواب میں سری لنکا کی ٹیم 20 اوورز میں 238 رنز بنا سکی،محمد سلمان مین آف دی میچ قرار پائے ۔ ورلڈ کپ کا فائنل کل صبح گیارہ بجے ملتان کرکٹ اسٹیڈیم میں کھیلا جائے گا۔
روزنامہ دنیا ایپ انسٹال کریں
