ایسا لگ رہا ہے کہ بھارت نے پی سی بی کی شرائط مان لی ہیں:راشد لطیف
لاہور(سپورٹس ڈیسک ) قومی ٹیم کے سابق کپتان راشد لطیف نے کہا ہے کہ پی سی بی اور بی سی سی آئی کے درمیان ملاقات ہوئی ہے۔۔
جس میں ایسا لگ رہا ہے کہ بھارت نے پاکستان کرکٹ بورڈ کی شرائط مان لی ہیں۔اپنے ایک بیان میں انہوں نے کہا ہے کہ اسے مکمل کامیابی نہیں کہہ سکتے کیونکہ بھارتی ٹیم پاکستان چیمپئنز ٹرافی کھیلنے نہیں آ رہی ہے ، اس بار جو بھارتی میڈیا سے خبریں آئی ہیں وہ درست لگ رہی ہیں۔ معاملات بہتری کی طرف جاتے ہوئے دکھائی دے رہے ہیں، دونوں ممالک چیمپئنز ٹرافی کھیلنا چاہتے ہیں۔ پی سی بی کی میٹنگ میں مثبت پیش رفت ہوئی ہے ۔
روزنامہ دنیا ایپ انسٹال کریں
