ایڈیلیڈ ٹیسٹ: بھارت دوسری اننگز میں مشکلات کا شکار 128 پر پانچ کھلاڑی آؤٹ
ایڈیلیڈ(سپورٹس ڈیسک )ایڈیلیڈ کے پنک بال ٹیسٹ کے دوسرے روز بھارتی ٹیم آسٹریلیا کے خلاف مشکلات کا شکار ہوگئی ۔۔
کھیل کے خاتمے تک بھارت نے دوسری اننگز میں 128رنز بنائے تھے اور اُس کے پانچ کھلاڑی آؤٹ ہوگئے تھے ۔مہمان ٹیم کو آسٹریلیا کی پہلی اننگز کا سکور برابر کرنے کیلئے ابھی مزید 29 رنز کی ضرورت ہے ، آسٹریلوی ٹیم پہلی اننگز میں 337 رنز بناکر آؤٹ ہوئی تھی، آسٹریلیا کے ٹریوس ہیڈ نے 140رنز سکور کیے ۔میچ کے دوسرے دن آسٹریلیا نے پہلی اننگز 86 رنز ایک کھلاڑی آؤٹ پر دوبارہ شروع کی، اس موقع پر ٹریوس ہیڈ نے شاندار بیٹنگ کرتے ہوئے 140رنز کی اننگز کھیلی۔مارنس لیبوشین دوسرے نمایاں بیٹر رہے جنہوں نے 64 رنز بنائے اور آسٹریلیا کی ٹیم 337 رنز بناکر آؤٹ ہوئی۔بھارت کی جانب سے جسپریت بمراہ اور محمد سراج نے چار، چار وکٹیں حاصل کیں۔
روزنامہ دنیا ایپ انسٹال کریں
