اولمپئین سمیع اللہ کے مجسمے سے ہاکی، گیند کے بعد جنگلہ بھی چوری
بہاولپور (سپورٹس ڈیسک )دنیائے ہاکی میں فلائنگ ہارس کے نام سے معروف پاکستان ہاکی ٹیم کے سابق کپتان اولمپئن سمیع اللہ خان کے بہاولپور میں نصب مجسمے کا حفاظتی جنگلہ بھی چوری ہوگیا۔
جنگلے کو چوری کرنے کی سی سی ٹی فوٹیج بھی سوشل میڈیا سائٹس پر تیزی سے وائرل ہورہی ہیں، جس میں چور کو جنگلہ اکھاڑتے دیکھا جاسکتا ہے ۔نہایتی مہنگے علاقے ماڈل ٹاؤن میں لگے ہوئے سمیع اللہ خان کا مجسمہ نشئی اور چوروں کا ٹارگٹ بنتا آیا ہے ، 3 سال قبل مجسمے سے بال اور ہاکی چوری کرلی گئی تھی۔کنٹونمنٹ بورڈ نے ہاکی اور گیند چوری ہونے کے بعد یادگاری مجسمہ کو محفوظ رکھنے چبوترہ بناکر اس کے گرد حفاظتی آہنی جنگلہ بھی لگایا گیا تھا تاہم اب وہ بھی چور لے اُڑے ۔یادگاری مجسمہ سے ہاکی اور گیند چوری ہونے کے بعد سول سوسائٹی نے ایک عارضی ہاکی اور گیند بھی لگادی تھی۔پولیس تھانہ کینٹ نے واقع کا مقدمہ درج کرکے چور کی تلاش شروع کردی ہے ۔
