پاکستان و جنوبی افریقہ کے کھلاڑیوں میں گرما گرمی
کراچی (سپورٹس ڈیسک )پاکستان اور جنوبی افریقہ کے میچ کے دوران دونوں ٹیموں کے کھلاڑیوں میں گرما گرمی ہوگئی۔
جنوبی افریقہ کی اننگز کے 28ویں اوور میں مہمان ٹیم کے نوجوان بیٹر بریٹزکی ایک رن لینے کے لیے نان سٹرائیکنگ اینڈ کی جانب دوڑے اور فاسٹ بولر شاہین آفریدی سے ٹکرا گئے ،جس پر پاکستانی فاسٹ بولر غصہ ہوگئے اور اُنہوں نے بریٹزکی سے کچھ کہا جس پر دونوں کھلاڑی ایک دوسرے سے اُلجھ پڑے ۔ شاہین آفریدی زیادہ غصے میں دکھائی د یئے ، بریٹزکی نے بھی اُن کو ترکی بہ ترکی جواب دیا لیکن پھر امپائرز نے آکر معاملہ رفع دفع کروایا۔دوسرا واقعہ اگلے ہی اوور میں پیش آیا جب سعود شکیل نے جنوبی افریقی کپتان ٹیمبا باووما کو رن آؤٹ کیااوربالکل باووما کے سامنے آکر شور مچایا اور اُن کا راستہ روکا ،پھر سکوائر لیگ سے کامران غلام جنوبی افریقی کپتان کے سامنے آکر جارحانہ انداز دکھانے لگے ۔ ایک لمحے کے لیے باووما رُک گئے مگر اُنہوں نے دونوں میں سے کسی کرکٹر کو جواب نہیں دیا اور فوراً ہی امپائرز نے آکر کامران غلام اور سعود شکیل کو سمجھایا۔
