چیمپئنز ٹرافی: بھارتی کھلاڑیوں کی فیملی کے بغیرکل دبئی روانگی
ممبئی (سپورٹس ڈیسک )آئی سی سی چیمپینز ٹرافی 2025 کے سلسلے میں کرکٹ ٹور پر فیملیز کیلئے بھارتی کرکٹ بورڈ بی سی سی آئی کی نئی پالیسی پر عملدرآمد شروع ہوگیا۔
بھارتی میڈیا کے مطابق چیمپئنز ٹرافی میں بھارتی ٹیم کے کھلاڑی اہل خانہ کے بغیر یو اے ای جائیں گے ، کوئی بھی کھلاڑی اپنے ساتھ اہل خانہ کو لے کر نہیں جائے گا۔بھارتی ٹیم چیمپئنز ٹرافی میں شرکت کیلئے کل دبئی جائے گی۔ بھارتی بورڈ کی کھلاڑیوں کی نئی فیملی پالیسی کے مطابق 45 دن سے زیادہ کے ٹور کے دوران کھلاڑیوں کے ساتھ 2 ہفتے تک اہل خانہ رہ سکتے ہیں۔ بھارتی کرکٹ بورڈ کے ایک عہدیدار نے کہا کہ ابھی تک کے مطابق کھلاڑی اپنے ساتھ بیوی یا کسی ساتھی کو نہیں لے جاسکیں گے ۔ سینئر کھلاڑی نے پالیسی کا پوچھا تو انہیں جواب ملا کہ پالیسی کے مطابق ہی چلیں گے ۔ ایک مہینے سے کم دورانیے کے دوران اہلِ خانہ کے ساتھ ٹور کرنیکی اجازت نہیں ہے ۔ غیر معمولی کیس کی صورت میں کھلاڑی کو فیملی کے تمام اخراجات خود اٹھانے ہونگے
