شاداب نے کس کارکردگی پر ٹیم میں جگہ بنائی:احمد شہزاد
کراچی (سپورٹس ڈیسک)پاکستانی ٹیم کے سابق رکن اور اوپنر احمد شہزاد نے نیوزی لینڈ کے خلاف پہلے ٹی ٹونٹی میں شاداب خان کی کارکردگی پر شدید تنقید کی ہے ۔
ٹی ٹونٹی ورلڈکپ 2024 کے بعد سے پاکستانی سکواڈ سے باہر رہنے والے شاداب خان کیا سکواڈ میں شمولیت پر سوال اٹھاتے ہوئے احمد شہزاد نے پوچھا ہے کہ آل راؤنڈر نے کونسی پرفارمنس سے یا میرٹ کی بنیاد پر ٹیم میں جگہ بنائی؟شاداب خان کیویز کے خلاف پہلے ٹی ٹونٹی میں بطور بیٹر صرف 3 رنز بناکر پویلین لوٹے جبکہ بالنگ میں دو اوورز کرائے اور کوئی وکٹ لینے میں کامیاب نہیں ہوئے ۔احمد شہزاد کہا کہ’آپ شاداب کے بارے میں بات کر رہے ہیں تو مجھے بتائیں، اس نے کیا کارکردگی پیش کی ہے ؟ اسے ٹیم میں کون لایا؟ اس سیریز کو گزرنے دیں، پی سی بی کا مختلف منصوبہ ہے اور شاداب کو ایک مقصد کے لیے ٹیم میں شامل کیا گیا ہے ۔شاداب خان کے اگلے کپتان بننے کی افواہوں کے حوالے سے احمد شہزاد نے کہا کہ کچھ وقت گزارنے کے لیے حکام نے نیوزی لینڈ ایک نوجوان ٹیم بھیجی ہے ۔
