حسن نواز کو کہا تھا کلب کرکٹ کیریئرکیلئے خطرناک : صہیب مقصود
لاہور(سپورٹس ڈیسک )سابق کرکٹر صہیب مقصود نے کہا کہ کرکٹر حسن نواز کو کہا تھا کہ کلب کرکٹ کا ماحول کیریئر کیلئے خطرناک ہے ۔
حسن نواز نے نیوزی لینڈ کے خلاف دوسرے میچ میں ٹیل اینڈر کی طرح شاٹ گھمایا، بھائی یہ میاں چنوں، چیچہ وطنی اور پنڈی میں جو کلب کرکٹ کھیلتے ہو وہ نہیں ہے ، مجھے حسن نواز چھ ماہ پہلے ملا تھا میں نے اسے خصوصی طور پر بلا کر کہا تھا کہ تم ٹی 20 کے بہترین کھلاڑی ہو۔ میں نے حسن نواز کو کہا تھا کہ سارا سال لوکل کلب میں دیہاڑی پر جو کرکٹ کھیلتے ہو، اس چیزوں کو بند کرو، کلب کرکٹ بہت آسان ہے یہاں تو پچاس سال کا کھلاڑی بھی سنچری کرلیتا ہے ۔ حسن نواز کو کہا کہ 1000 یا 2000 روپے کے لیے کبھی عارف والا کبھی کوئی اور جگہ سفر کرتے رہتے ہو، آپ پریکٹس کرو اور اس طرح کی ٹریننگ کروجو انٹرنیشنل لیول کی ہو۔ نیوزی لینڈ کے خلاف میچ میں بھی وہ کلب کرکٹ کی طرح کھیل رہے ہیں کہ 30 گیندوں پر 100 کرنے ہیں ۔
