ٹیم مینجمنٹ نے سپورٹ کیا،سنچری والدکے نام:حسن نواز
آکلینڈ(سپورٹس ڈیسک )تیسرے ٹی ٹونٹی میچ میں بہترین پلیئر کا ایوارڈ حاصل کرنے والے بیٹر حسن نوازنے کہاکہ بیٹنگ کے دوارن میں نے سلمان آغا کو بولا میچ فنش کریں مجھے سنچری کا شوق نہیں۔۔
میں نے کہا کہ سنچری آگے بھی کر سکتا ہوں، میچ فنش کرنا ہے ،سنچری والد صاحب کے نام کروں گا جو میرے لیے ہمیشہ دعا کرتے ہیں، لیہ کی ایک مڈل کلاس فیملی سے تعلق ہے ، کرکٹ کا کوئی بیک گراؤنڈ نہیں، مجھے ٹیم مینجمنٹ نے بہت سپورٹ کیا، کسی نے مجھے یہ نہیں کہا کہ آپ پہلے دو میچز میں دو مرتبہ آؤٹ ہوئے ،دو مرتبہ جب آؤٹ ہوا تو سلیکٹر حسن چیمہ کا میسیج آیا، حسن چیمہ نے کہا پتا ہے تم ضرور سکور کرو گے ان کے اعتماد دینے کا شکریہ،عاقب جاوید نے کہا تھا کہ چاہے تم پانچ زیرو بھی کرو گے تو کھیلو گے ۔ میڈیا سے گفتگو کرتے ہوئے انہوں نے کہا کہ جب دو میچوں میں آؤٹ ہوا تو دباؤ میں آگیا تھا، یہی سوچا تھا کہ ڈومیسٹک کرکٹ میں جاؤں گا اور کام کروں گا، آج بھی یہی سوچا تھا کہ پہلا سنگل کرنا ہے ، سنگل کرتے ہی دباؤ ختم ہوگیا، دباؤ ختم ہونے کے بعد اپنی اننگز کھیلی، جمی نیشم کو چھکا مار کر نصف سنچری مکمل کرنے والا شاٹ بہترین تھا۔سپنرز پر اٹیک کرنا فاسٹ بولرز کی نسبت قدرے آسان ہوتا ہے ، اس طرح کا اعتماد ملنے سے آپ کچھ بھی کر سکتے ہیں، آج کی کامیابی ٹیم ورک کا نتیجہ ہے جو غلطیاں کی ہیں ان سے سیکھ رہے ہیں۔
