ڈیوڈوارنرپریکٹس سیشن میں پچ سے ناراض ،شکایت مسترد
لاہور(سپورٹس ڈیسک )پاکستان سپر لیگ کے 10ویں ایڈیشن کے آغاز سے قبل کراچی کنگز کے کپتان ڈیوڈ وارنر پریکٹس سیشن کے دوران ناراض ہوکر بھڑک اُٹھے ۔
میڈیا رپورٹس کے مطابق گزشتہ روز نیشنل سٹیڈیم کراچی کے ہائی پرفارمنس سینٹر میں پریکٹس سیشن کے دوران کراچی کنگز کے کپتان ڈیوڈ وارنر پچ سے ناراض نظر آئے اور انہوں نے شکایت بھی کی تاہم انکی درخواست مسترد کردی گئی۔کنگز کے کپتان کی شکایت نظر انداز ہونے پر وہ پریکٹس ادھوری چھوڑ کرچلے گئے تاہم کراچی کنگز کے ترجمان نے اپنے کپتان کے رویے سے متعلق خبروں پر بیان دیتے ہوئے کہا کہ کرکٹر کی ناراضی اور پچ چھوڑ کر جانے کے حوالے سے خبریں بے بنیاد ہیں۔ڈیوڈ وارنر نے ہائی پرفارمنس سینٹر میں پریکٹس پچ پر 3 اوورز سے زائد بیٹنگ کی اور پھر پریکٹس میچ میں شامل ہونے واپس اوول گراؤنڈ آ گئے ۔
روزنامہ دنیا ایپ انسٹال کریں
