‘‘ڈکس ’’پرآؤٹ ،بابر اعظم نے ناپسندیدہ ریکارڈ اپنے نام کرلیا
راولپنڈی (سپورٹس رپورٹر) پی ایس ایل 10 میں پشاور زلمی کے کپتان بابر اعظم نے ناپسندیدہ ریکارڈ اپنے نام کرلیا۔
کوئٹہ گلیڈی ایٹرز کے خلاف میچ میں محمد عامر کی گیند پر بابر اعظم صفر پر آؤٹ ہوئے اور پی ایس ایل کی تاریخ میں سب سے زیادہ 'ڈکس' (بغیر کوئی رن بنائے آؤٹ ) والے بیٹرز کی فہرست میں اوپر آگئے ۔ اس فہرست میں بابر اعظم لاہور قلندرز کے کپتان شاہین آفریدی کو پیچھے چھوڑتے ہوئے پشاور زلمی کے سابق وکٹ کیپر بیٹر کامران اکمل کے برابر آگئے ۔پی ایس ایل میں سب سے زیادہ ڈکس کا ریکارڈ اس وقت اسلام آباد یونائیٹڈ میں شامل آل راؤنڈر عماد وسیم کے پاس ہے جو کہ 12 مرتبہ صفر پر آؤٹ ہوچکے ہیں۔ ان کے بعد پشاور زلمی کے سابق فاسٹ بولر وہاب ریاض ہیں جو 10 بار صفر پر پویلین لوٹے ۔
روزنامہ دنیا ایپ انسٹال کریں
