نیشنل ویمنز ٹی ٹونٹی ٹورنامنٹ کا آج سے آغاز
کراچی(سپورٹس ڈیسک)نیشنل ویمنز ٹی ٹونٹی ٹورنامنٹ آج کراچی میں شروع ہورہا ہے ۔ ٹورنامنٹ میں پانچ ٹیمیں حصہ لے رہی ہیں۔۔
اور یہ میچز نیشنل بینک سٹیڈیم اور ہائی پرفارمنس سینٹر اوول گراؤنڈ میں کھیلے جائیں گے ۔پہلے روز دو میچ کھیلے جائیں گے ۔ قومی ون ڈے چیمپئن سٹارز کا مقابلہ سٹرائیکرز سے نیشنل بینک سٹیڈیم میں ہوگا جبکہ اوول گراؤنڈ پر کانکررز کا مقابلہ انونسیبلز سے ہوگا۔ٹورنامنٹ میں شریک پانچ ٹیمیں چیلنجرز، کانکررز ، انونسیبلز ، سٹارز اور سٹرائیکرز ہیں۔ ڈبل لیگ فارمیٹ میں ہر ٹیم آٹھ میچز کھیلے گی اور مجموعی طور پر 22میچز کھیلے جائیں گے ۔پوائنٹس ٹیبل پر دوسرے اور تیسرے نمبر پر آنے والی ٹیمیں 22 مئی کو کوالیفائر میں آمنے سامنے ہوں گی جس میں فاتح 24مئی کو فائنل میں ٹاپ رینک ٹیم سے مقابلہ کریگا۔
روزنامہ دنیا ایپ انسٹال کریں
