سکلز ڈویلپمنٹ کیمپ شروع،بابر اعظم ،رضوان بھی شریک
لاہور(سپورٹس ڈیسک)قومی کرکٹرز کے سکلز ڈویلپمنٹ کیمپ کا لاہور میں آغاز ہوگیا۔سکلز ڈویلپمنٹ کیمپ میں پندرہ کرکٹرز کو مدعو کیا گیا ہے۔
ایل سی سی اے کرکٹ گراؤنڈ میں صبح کے سیشن میں فیلڈنگ ڈرلز کرائی گئیں، بابر اعظم اور محمد رضوان بھی ایکشن میں دکھائی دئیے ۔بیٹنگ کوچ حنیف ملک کے ساتھ این سی اے کے کوچز کی نگرانی میں بیٹنگ سکلز کو بہتر بنانے پرتوجہ دی گئی۔اس موقع پر جم ورک بھی رکھا گیا، جس میں کھلاڑیوں نے اپنی فٹنس میں بہتری کے لیے مختلف جسمانی مشقوں میں حصہ لیا۔کیمپ کے پہلے مرحلے میں ابرار احمد، احمد دانیال، بابر اعظم، حسن نواز، معاذ صداقت، محمد عباس آفریدی، عامر جمال، محمد حارث، محمد نواز، محمد رضوان، نسیم شاہ، صاحبزادہ فرحان، صائم ایوب، سلمان مرزا اور سفیان مقیم شامل ہیں۔ دوسرا مرحلہ 23 جون اور تیسرا مرحلہ 30 جون سے شروع ہوگا۔
روزنامہ دنیا ایپ انسٹال کریں
