جونئیر ہاکی ورلڈکپ شیڈول کا اعلان مؤخر کر دیا گیا
لاہور (سپورٹس ڈیسک)پاک بھارت کشیدگی کے باعث بھارتی میزبانی میں ہونے والے جونیئر ہاکی ورلڈکپ کے شیڈول کا اعلان مؤخر کردیا گیا۔
انٹرنیشنل ہاکی فیڈریشن (آئی ایچ ایف) کے جاری کردہ اعلامیے کے مطابق جونیئر ہاکی ورلڈکپ کے پروگرام کا اعلان ملتوی کردیا گیا ہے ، نئی تاریخوں کا اعلان بعد میں کیاجائے گا۔جونیئر ہاکی ورلڈکپ میں پاکستان ، بیلجیم، انگلینڈ، فرانس، جرمنی،آئرلینڈ، ہالینڈ، سپین، آسٹریا، سوئٹزرلینڈ، ارجنٹائن،کینیڈا، چلی، چین، بنگلادیش، جاپان، ملائشیا، تھائی لینڈ، بھارت،آسٹریلیا، نیوزی لینڈ، جنوبی افریقا، نمیبیا اور مصرنے کوالیفائی کررکھا ہے ۔جونیئر ہاکی ورلڈکپ 28 نومبر سے 10 دسمبر تک چنئی اور مادورائے میں طے ہے ۔
روزنامہ دنیا ایپ انسٹال کریں
