بھارتی حریف کو شکست، خالد محمود ایشین باکسنگ بورڈ آف ڈائریکٹرز کے رکن منتخب
اسلام آباد(سپورٹس رپورٹر)بھارت کو سپورٹس ڈپلومیسی میں پاکستان کے ہاتھوں ایک اور ہزیمت کا سامنا کرناپڑگیا۔۔۔
پاکستان کے محمد خالد محمود بھارتی حریف کو شکست دیکر ایشین باکسنگ کے بورڈ آف ڈائریکٹرز کے رکن منتخب ہو گئے ہیں۔ تھائی لینڈ میں ہونیوالے ایشین باکسنگ کے کانگریس اجلاس میں پاکستان اولمپک ایسوسی ایشن کے سیکرٹری جنرل خالد محمود بھارتی حریف اجے سنگھ کو 9کے مقابلے میں 18ووٹ سے ہرا کر کامیاب ہوئے جو ایشیائی سطح پر پاکستان کی سپورٹس قیادت پر اعتماد کا سبب بھی ہے ۔ صدر پاکستان باکسنگ فیڈریشن لیفٹیننٹ کرنل (ر) ناصر ٹنگ نے اس شاندار کامیابی پر مبارکباد دیتے ہوے کہاکہ بھارت کیخلاف کامیابی پاکستان کیلئے باعثِ فخر ہے ۔
روزنامہ دنیا ایپ انسٹال کریں
