مصر سے بندروں کے دوہزار سال پرانے ڈھانچے برآمد
مصر کے سمندری علاقے برینائس سے 2ہزار سال پرانے بندروں کے ڈھانچے برآمد ہوئے ہیں
قاہرہ(نیٹ نیوز) میڈیارپورٹس کے مطابق وارسا یونیورسٹی کے آرکیالوجی ڈیپارٹمنٹ کی ایک تحقیقاتی ٹیم مصر کے سمندری علاقے برینائس میں کھدائی کررہی تھی کہ ایک انسان نما ہڈیوں کا ڈھانچہ برآمد ہوا جس کی جانچ کے بعد معلوم ہوا کہ وہ دراصل ایک بندر کا ڈھانچہ ہے اور 2ہزار سال پرانا ہے ،تحقیقاتی ٹیم نے اس جگہ کی مزید کھدائی کی تو وہاں سے بیسیوں بندروں کے ڈھانچے برآمد ہوئے جس کی عمریں مختلف تھیں۔ ماہرین کا کہناہے کہ یہ بندر ایشیائی علاقوں میں پائے جاتے ہیں اور ان کو بھارت سے لایا گیا ہوگا کیونکہ 2ہزار سال قبل مصرا ورروم کے تاجر برصغیر سے جانوروں کی تجارت کرتے تھے ۔اتنی بڑی تعدا د میں بندروں کے ڈھانچے ملنے سے اندازہ لگایا جاسکتاہے کہ کسی بحری جہاز کو حادثہ پیش آیا ہوگا اور یہ بندریہاں دفن ہوگئے ہونگے ۔
