نیند کرکے پیسے کمانے کی منفرد انٹرنشپ کا اعلان
بھارتی ریاست کرناٹکا کے دارالحکومت بنگلورو کی فوم اینڈ بیڈ کمپنی ‘ویک فٹ’ نے نیند کرکے پیسے کمانے کی منفرد انٹرنشپ کا اعلان کردیا
ممبئی(نیٹ نیوز)کمپنی نے انٹرنیز کیلئے عمر، جنس اور تعلیم کی کوئی قید نہیں رکھی۔ٹائمز ناؤ کے مطابق مذکورہ کمپنی نے گزشتہ سال اس منفرد انٹرنشپ کا آغاز کیا تھا اور رواں سال ایک بار پھر کمپنی نے انٹرنشپ کا اعلان کردیا۔ انٹرنشپ میں اپلائی کرنا انتہائی آسان ہے ، کمپنی نے اپنی ویب سائٹ پر آن لائن فارم دیا ہے ، البتہ کمپنی کی واحد شرط یہ ہے کہ وہ افراد ہی انٹرنشپ کیلئے اپلائی کریں، جنہیں زیادہ دیر تک سونے کا شوق ہے اور وہ ثابت کر سکیں کہ نیند ہی ان کی سب سے بڑی ترجیح ہے ۔ ٹائمز ناؤ کے مطابق منتخب ہونے والے انٹرنیز کو 100 دن تک یومیہ 9 گھنٹے سونا ہوگا اور پرسکون نیند کرنے کے بدلے انہیں بھارتی ایک لاکھ روپے ملیں گے ۔
روزنامہ دنیا ایپ انسٹال کریں
