چوری کی انوکھی واردات، مالک کو خوشگوار حیرت
بھارت میں ایک چور نے قیمتی موبائل فون کو استعمال کرنے میں ناکامی پر اس کے مالک کو واپس کردیا
نئی دہلی(نیٹ نیوز) بردوان ضلع کے شہر جمال پور میں یہ واقعہ پیش آیا جب مٹھائی کی دکان پر آنے والا ایک خریدار اپنا موبائل وہیں بھول گیا لیکن کچھ دیر بعد وہ فون وہاں سے چوری ہوگیا، فون کی مالیت 45ہزار روپے بتائی جارہی ہے ۔پولیس کیمطابق فون کے مالک کا کہنا ہے کہ جب میں نے اپنے نمبر پر کال کی تو وہ بند جا رہا تھا لیکن تین دن بعد جب دوبارہ کال کی تو چور نے کال ریسیو کرلی اور کہا کہ مجھ سے یہ فون نہیں چل رہا اور نہ اس کی سمجھ ہے لہٰذا میں یہ واپس کرنا چاہتا ہوں۔ مالک کا کہنا ہے کہ یہ سن کر مجھے خوشگوار حیرت ہوئی ۔ پولیس حکام کا کہنا ہے کہ فون کے مالک نے جب چور سے بات چیت کی تو اس نے پچھتاوے کا اظہار کیا جس پر فون کے مالک نے چور کو معاف کردیا۔
روزنامہ دنیا ایپ انسٹال کریں
