مالدیپ کے ریزورٹ میں پورا سال رہنے کی پیشکش
کیا آپ مالدیپ کے ایک ریزورٹ میں پورے سال تک رہنا چاہتے ہیں؟ تو اب ایسا ممکن ہے بس پیسے کچھ زیادہ خرچ کرنا پڑیں گے
لاہور(نیٹ نیوز)انانٹارا ویلی ریزورٹ کی جانب سے 'ان لمیٹڈ سٹے ان پیراڈائز' پیکیج کے تحت 2021 میں لامحدود قیام کی پیشکش کی جارہی ہے ۔اس پیکیج کے تحت 2 افراد ریزورٹ میں پورا سال قیام کرسکتے ہیں، جس کے دوران وہ پانی کے اوپر بنے بنگلے میں رہیں گے جبکہ روزانہ ناشتے ، وائی فائی، ٹرانسپورٹ کی سہولت دستیاب ہوگی۔ وائرس سے تحفظ کیلئے ریزورٹ میں مہمانوں کو عالمی ادارہ صحت کی گائیڈلائنز پر عمل کرنا ہوگا۔ وہاں آنے والے مہمانوں کو کھانے پکانے ، غوطہ خوری اور سرفنگ جیسی سرگرمیوں کی تربیت بھی فراہم کی جائے گی، مگر فیس دینا ہوگی۔اس پیکیج کی قیمت 30 ہزار ڈالرز رکھی گئی ہے ۔
روزنامہ دنیا ایپ انسٹال کریں
