برطانیہ،لائبریری کو 50 سال بعد کتاب واپس مل گئی
لندن(نیٹ نیوز)برطانیہ میں لائبریری کو بذریعہ ڈاک 50 سال کے طویل عرصے بعد کتاب واپس مل گئی، بھیجنے والے نے ساتھ لکھا کہ اسے ردی کی ٹوکری میں نہیں پھینک دینا۔
برطانیہ میں یونیورسٹی کالج لندن کی لائبریری نے گزشتہ ہفتے ایک ٹویٹ شیئر کی تھی جس میں کتاب بھیجنے والے کی تحریر بھی شامل کی گئی۔تحریر میں لکھا ہے کہ ‘ڈیئر لائبریرین، یہ کتاب 50 برس تک واپس نہیں کی گئی۔ مہربانی فرما کر اسے ردی کی ٹوکری میں نہ پھینک دینا، کیونکہ اب یہ نوادرات میں شامل ہو چکی ہے ۔’برطانوی اخبار کے مطابق یہ کتاب ایک ڈرامے ‘کیورولس’ کا 1875 کا ایڈیشن ہے جسے 1974 کے موسم گرما میں یونیورسٹی کالج لندن لائبریری کو واپس کیا جانا تھا۔یونیورسٹی کی لائبریرین سوزین ٹراؤس کے مطابق ‘10 پینس فی دن کے حساب سے اس کتاب پر ایک ہزار 254 برطانوی پاؤنڈز جرمانہ بنتا ہے۔
روزنامہ دنیا ایپ انسٹال کریں
