15 کروڑ سال قدیم ڈائناسار فروخت کے لیے پیش
پیرس(نیٹ نیوز)15 کروڑ سال قدیم ڈائناسار کا ایک اچھی طرح سے محفوظ شدہ ڈھانچا فروخت کے لیے پیش کر دیا گیا۔‘
بیری’ کے نام سے مشہور ایک ڈائناسار کا ڈھانچا پیرس میں نیلامی کے لیے پیش کیا گیا ہے ، یہ ڈھانچا غیر معمولی طور پر اچھی طرح سے محفوظ شدہ ہے ۔یہ ایک کیمپٹوسارس کا ڈھانچا ہے جسے بیری کے نام سے جانا جاتا ہے ، اور جو تقریباً 150 ملین سال پہلے جراسک دور کے آخری زمانے کا ہے ، اس کی نیلامی اگلے ماہ پیرس میں ہوگی۔اس ڈائناسار کو 1990 کی دہائی میں امریکی ریاست وائیومنگ میں دریافت کیا گیا تھا اور ابتدائی طور پر دس سال بعد 2000 میں ماہر حیاتیات بیری جیمز نے اسے بحال کیا تھا، جس کی وجہ سے اسے یہ نام ملا۔پچھلے برس ایک اطالوی لیبارٹری نے بیری کو حاصل کیا اور اس ڈھانچے پر مزید بحالی کا کام کیا، یہ 2.10 میٹر اونچا اور 5 میٹر طویل ہے ۔ اس کی کھوپڑی 90 فی صد مکمل ہے ۔
