چکن کے بغیر بریانی دینے پر گاہک کا ریستوران پر مقدمہ
ممبئی(نیٹ نیوز)چکن بریانی میں چکن نہ ہونے پر گاہک آپے سے باہر ہوگیا، ریستوران کے خلاف عدالت میں مقدمہ دائر کردیا۔
بھارت میں کرشنپا نامی شخص گھر میں گیس نہ ہونے کی وجہ سے اہلیہ کے ساتھ کھانے کے لیے مذکورہ ریستوران آیا تھا۔وہ لوگ چکن بریانی کا آرڈر دینے کے بعد بریانی گھر لے گئے ، تاہم جب گھر جا کر انھوں نے پیکٹ کھولا تو معلوم ہوا کہ بریانی میں تو گوشت ہی نہیں ہے ۔کرشنپا نے ریستوراں والوں کو اطلاع دی تو مالک کی جانب سے چند منٹوں میں متبادل آرڈر دینے کا وعدہ کرنے کے باوجود کچھ نہ کیاگیا۔ کرشنپا نے بنگلورو اربن ڈسٹرکٹ کنزیومر کمیشن میں شکایت میں 30,000 ہزار روپے ہرجانے کا دعویٰ کیا تھا۔سٹی کورٹ نے مقدمے کی سماعت کے بعد ریستوران کو حکم دیا کہ وہ صارف کو ذہنی اذیت میں مبتلا کرنے کے لیے نہ صرف ایک ہزار روپے ادا کرے بلکہ اس کے کھانے کے 150 روپے بھی ادا کرے ۔
